الحلقه الخامسه
وقف محمد في زهول مما سمع وكأنه في حلم
محمد موجهاً كلامه لضابط الشرطه : اقسم بالله انا لسه شايفها من ساعه، ثم قص على ضابط الشرطه الموقف من وقت رؤيتها الي تلك اللحظه التي يقف فيها امامه
ضابط الشرطه : الكلام ده تقولو في النيابه للأسف يابني انا مقدرش افيدك بحاجه
محمد : حسبي الله ونعم الوكيل، ممكن بعد اذنك اكلم والدي
الضابط : اكيد يابني دا حقك
تحدث محمد مع والده عبر الهاتف وقص له ماحدث والي اي قسم شرطه متوجهين
قام والد محمد باخذ اجازه مؤقته من عمله ولم يخبر والدة محمد ولا إخوته بما حدث لمحمد وأخبر والدة محمد انه ذاهب في مأموريه تابعه لعمله
توجه والد محمد من الصعيد الي القاهره ومنه الي مركز الشرطه الموضوع به محمد
بعد دخوله وتلقيه كل التحيه والاحترام من أفراد الشرطه داخل قسم الشرطه، سأل مأمور القسم عن ماحدث فهو لم يكتفى بسماع القصه من ابنه
بعدها طلب من المأمور استدعاء الفتاه ووالدها الي قسم الشرطه ليتم التحقيق معها هي الاخري
بعد وقت قليل دخل عسكري الي مكتب المأمور بعد ان طرق الباب واعطي المأمور التحيه : تمام يافندم، في وحده ووالدها بره بيقولو انكم طلبتوهم للتحقيق
المأمور : خليهم يدخلو
دخلت الفتاه ووالدها وبدأ معهم المأمور بالتحقيق تحت أعين والد محمد
بعد الانتهاء من التحقيق اعطي المأمور والد الفتاه والفتاه ليمضوا على اقولهم وينصرفوا
قاطعهم صوت طرقات الباب ليدخل العسكري يلقى التحيه : تمام يافندم، في دكتور بره بيقول انو عاوز حضرتك ضروري في موضوع لا يحتمل التأخير موضوع حياه او موت
المأمور : خليه يدخل بسرعه
دخل الطبيب الي غرفة المأمور فوجدوه الطبيب الذي قام باستدعاء الشرطه لتقبض على محمد في المستشفى، وهو من قام بالكشف على الفتاه
الطبيب : السلام عليكم يافندم، انا جيت علشان اخلص ضميري قدام ربنا، انا ظلمت الشاب الجميل اللي كان عندي، وبسرعه اتصلت بيكم والقينا عليه تهمه باطله، ولم اتدبر قول الله تعالى
(يأيها الذين آمنوا اذا جائكم فاسق بنبأ فتبينوا ان تصيبوا قوماً بجهاله فتصبحوا على ما فعلتم نادمين)
صدق الله العظيم
التحليل ده بيأكد ان البت دي كذابه وحامل في الشهر التاني، وفي هنا تناقض في كلامها لأنها ادعت ان الشاب اعتدى عليها في اليوم اللي تم القبض عليه فيه في تمام العاشره صباحا، وانا بطلب اننا ناخد البنت ونعمل تحليل DNA علشان نعرف الولد ابن مين..؟
وليه عاوزه تلبس الولد ده التهمه ومين ذقها عليه.؟
في وسط زهول كل الحاضرين طرق المأمور الجرس فدخل العسكري :تمام يافندم
المأمور : تحفظو على الراجل ده وخرجلي محمد من الحجز بسرعه
العسكري : تمام يافندم
اممسك العسكري بوالد الفتاه وقام بوضعه بالسجن وإخراج محمد
طرق العسكري الباب : تمام يافندم محمد بره
المأمور : دخلو بسرعه
فور دخول محمد ركض مسرعاً تجاه والده وقام باحتضانه بحراره
والد محمد : حمدالله على سلامتك يابني
محمد بعد ان قبل يد والده : الله يسلمك يابويا انا عارف اني تاعبك معايا دايما
والد محمد : انا معنديش حد في الدنيا أغلى منك علشان اتعبله
توجه الضابط والفتاه ومحمد ووالده والطبيب الي الطبيب الجنائي وقاموا بعمل التحاليل ل محمد والفتاه ليظهر مالم يتوقعه الجميع ان الطفل ليس ابن محمد وبعد الضغط على الفتاه والتحقيق معها اعترفت ان الجنين ابن علي سالم الجارحي ابن عم جويريه، وان الفتاه عشيقته، وأكدت على لسانها ان على قال لها ان نجحت في هذه الخطه وقامت بتشويه صورة محمد امام الجميع ف سيقوم بالزواج منها على الفور، ف محمد بالنسبه له هو عدوه اللدود في عمله
بعدها قام المأمور بالقاء الفتاه في السجن وأرسل قوه من الشرطه الي بيت علي لالقاء القبض عليه فلم تجده فقد هرب عند سماع الثارينه الخاصه بسيارات الشرطه
في الجانب المقابل يقوم والد محمد باحتضانه وتوجهوا الي محطة القطار
محمد : مينفعش يابابا تمشي بالسرعه دي اقعد معايا يوم واحد طيب
والد محمد : الود ودي اقعد معاك على طول يابني بس انت عارف طبيعة العمل في الشرطه صعبه والله غالب
محمد : توصل بالسلامه ياوالدي
ركب والد محمد القطار متجها الي بلده فطبطب جمال على كتف محمد : حمدالله على سلامتك ياصاحبي، والله الليله اللي قضيتها من غيرك مانمت فيها دقيقه كل حاجه كانت ناقصه وانت غايب ياصاحبي، والله روحي كانت رايحه مني
محمد : الله يسلمك ياصاحبي ربنا ميحرمني منك
توجه جمال ومحمد الي منزلهم ليجدو جويريه ووالدها ووالدتها وعبده وميرنا وامنيه وحنان وساره ينتظرون محمد وجمال امام المنزل فور وصولهم
والد جويريه : حمدالله على سلامتك يابني ايه اللي حصل ومين البنت دي وفي ايه بينك وبينها وليه عاوزه تأذيك
محمد : نطلع بس شقتنا وهشرحلك كل حاجه
بعد الصعود الي شقة محمد
والد جويريه : خير يابني في ايه
محمد : حصل خير ياعمي والحمدلله انها جات على قد كده
والد جويريه : مين البنت دي
محمد : معرفش والله ياعمي
والد جويريه : طيب مين ذقها عليك
محمد بعد ان نظر بحده الي والد جويريه : معرفش ياعمي ولاد الحرام كتير
تفهم والد جويريه النظره ولم يكمل الأسئله
انتقلت جويريه من جوار والدها الي جوار محمد
جويريه : حمدالله على سلامتك يامحمد نورت بيتك والله، لو كنت شفت كل اللي قاعدين دول كانو زعلانين عليك ازاي امبارح كنت بجد هتعرف غلاوتك عندهم
محمد : ربنا يخليكم ليا ياجويريه انا مليش في الدنيا غيركم بعد اهلي انتو اهلي التانيين هنا
امنيه : حمدالله علي سلامتك يامحمد احنا هنسيبك ترتاح شويه وهنجيلك بكره، محمد الاكل في التلاجه لما تجوع كل
ميرنا : والفواكه كمان في التلاجه علشان تتغذا كويس
محمد: ايه اللي بتعملوه ده ياجماعه
ميرنا : بس يلا انتا مالك اصلا احنا بنقول لجمال مش بنقلك وبعدين كان الود ودي اجيبلك عيش وحلاوه واجي ازورك
الكل : ههههههههه
محمد : ربنا يديمكم نعمه في حياتي كلكم
امنيه : جمال لو مرضيش ياكل كتفو واكلو غصب عنه واقسم بالله لو مأكلتو انتا المسؤل قدامنا
جمال : هتوصيني على محمد يا امنيه
ميرنا : ادينا قلنا وقد اعذر من انذر يلا نستأذن احنا
قام الجميع بمغادره شقة محمد والتوجه الي منازلهم، وتوجه محمد الي سريره ثم غرق في النوم من شده التعب الذي حل به الفتره الماضيه
في شقه خاصه بعلي بعيدا عن القصر
على : نفد منها اذاي دانا عامله خطه متخرش الميه، انا قلت من الاول انه لازم يموت، اخرتك على أيدي يابن خلف والايام بينا
في صباح اليوم التالي ذهب جمال برفقه عبده الي الجامعه وتركوا محمد نائم ولم يوقظوه بسبب انه لم ينم منذ يومين
بعد وصول جمال للجامعه بدأ كل أصدقائهم يسألون جمال عن محمد كيف حاله الان
جمال: بخير الحمدلله وبكره ان شاء الله هجيبهولكم معايا
حنان : حبيبي هو محمد كويس
جمال : كويس ياحنان الحمدلله
حنان : طيب الحمدلله
قاطعهم اتصال من والد جويريه بجمال
جمال : الو
والد جويريه : ازيك ياجمال عامل ايه
جمال : بخير ياعمي الحمدلله
والد جويريه : جمال هو محمد في البيت
جمال : اه نايم ياعمي
والد جويريه : اممم علشان كده برن عليه مبيردش طيب اسمع انا جايلك اخدك من قدام الجامعه ونروحله علشان انا عاوزه في موضوع ضروري وياريت متقولش لجويريه انك مروح ولا اني جاي معاك قلهم انك رايح مشوار
جمال : حاضر في انتظارك يا عمي
وصل والد جويريه الي الجامعه واخذ جمال واتجهو الي المنزل حيث يقيم محمد وجمال
فور دخولهم
جمال : اتفضل ياعمي البيت بيتك عبال ما اصحيلك محمد
والد جويريه : يزيد فضلك يابني
يدخل جمال الغرفه ويشعل الضوء وينزع الغطاء من على وجه محمد
جمال : محمد قوم والد جويريه بره بيسأل عليك
محمد بصوت خافت : حاضر ياجمال قايم
نهض محمد من فراشه ثم غسل وجهة وارتدي ملابسه ثم خرج لوالد جويريه
محمد : اذيك ياعمي
والد جويريه : بخير يابني الحمدلله انتا عامل ايه
محمد : بخير الحمدلله
والد جويريه : ايه اللي حصل امبارح يا محمد.؟
قص محمد علي والد جويريه ماحدث بالتفصيل
والد جويريه وهو في زهول : على ابن اخويا يعمل كده.؟ طيب ايه المبرر لعملته.؟ هو للدرجادي الغيره والحقد والكره ماليين عينيه.
محمد : اهو اللي حصل بقى ياعمي، انا مكانش ينفع اقلك حاجه زي دي قدام جويريه امبارح علشان متزعلش والزعل وحش علشانها احنا ما صدقنا انها قربت تخف
والد جويريه : ربنا يكملك بعقلك يابني ويحفظك لأهلك، قام بعدها والد جويريه بالاستأذان والانصراف من منزل محمد
جمال : الواد ده مش هيجيبها لبر ولازم ناخد حذرنا منه
محمد سيبها علي الله ياصاحبي محدش بياخد اكتر من نصيبه
جمال : على الله ياصاحبي
في صباح اليوم التالي قام جمال بالاستيقاظ مبكرا : اصحي يامحمد ولا مش هتروح الجامعه النهارده
محمد ب همهمه : لا رايح ان شاء الله
نهض محمد من فراشه وقام بارتداء ملابسه وقاموا بالخروج من المنزل متوجهين الي الجامعه وفي الطريق
محمد : جمال انا عطشان انا هجيب عصير اجيبلك معايا
جمال : ياريت الجو حر جدا النهارده
محمد :طيب ثانيه هجيب من الكشك اللي هناك ده
توجه محمد الي الكشك المقام بالجهه الاخري المقابله لهم إذ بسياره سوداء تأتي بكامل سرعتها
جمال بصوت عالي : محماااااااد حاسب حاسب…………
قصة انا جوزي بيتصرف تصرفات غريبه كامله
